شغل حقيقي على المتاجر
تطبيقات نشرناها
AutoLink
حارث
Resalate
رواد النقل
Coffeekies
4U
NEED
Wisdom
من غير ما تحتاج حساب مطوّر خاص بيك، ولا تدخل في تعقيدات الشهادات والمراجعة. إحنا بنتولّى الرفع كامل — بشكل احترافي، وبحماية كاملة لملكيتك.
«ايه اللي يضمنلي لو إديتكم السورس كود؟»
سؤال في محله — وإحنا بنجاوبه بأفعال، مش وعود. حماية مشروعك مبنية على تلات طبقات:
تقدر تدينا ملف التطبيق الجاهز (.ipa / .aab) وإحنا نرفعه، أو ندير الرفع بمفتاح API آمن — من غير ما نلمس الكود خالص.
بنوقّع NDA مكتوب يثبّت إن ملكية الكود تفضل ١٠٠٪ ليك، ويمنعنا قانونياً من أي استخدام أو نسخ أو مشاركة.
إحنا كيان مسجّل بأعمال وعملاء سابقين. أي إخلال بثقة عميل واحد بيدمّر شغلنا كله — فحماية مشروعك مصلحتنا قبل ما تكون مصلحتك.
تبعتلنا ملف التطبيق أو الكود، مع الصور والوصف والروابط. بنبعتلك قائمة منظّمة بكل المطلوب من أول رسالة.
بنظبط الشهادات والتوقيع والإعدادات حسب سياسات كل متجر، ونبني نسخة النشر جاهزة للرفع.
بنرفع التطبيق ونكمّل صفحته كاملة — الوصف، الصور، الخصوصية، التسعير — ونبعته للمراجعة.
بنتابع المراجعة ونتعامل مع أي ملاحظات من Apple أو Google لحد ما التطبيق ينزل ويبقى متاح للتحميل.
السورس كود مضغوط، أو دعوة على GitHub للوصول للمشروع.
معرّف التطبيق بالظبط زي ما هو في الكود (مثال: com.company.app) — عشان يطابق حساب المتجر.
الاسم الرسمي، وصف مختصر بيعمل إيه، أهم المميزات، والفئة (تسوق / أعمال / أدوات…).
من ٣ لـ ١٠ صور من داخل التطبيق، بمقاس ١٢٤٢×٢٦٨٨ بكسل. لو مش متوفرة بالمقاس ده، بنساعدك تجهّزها.
الأيقونة بمقاس ١٠٢٤×١٠٢٤ بكسل، لو مش موجودة جوه الكود.
رابط سياسة الخصوصية (إجباري) ورابط دعم — لازم يفتحوا فعلاً لأن المتجر بيتأكد منهم.
لو فيه تسجيل دخول، حساب تجريبي (يوزر وباسورد) عشان مراجع المتجر يقدر يجرّب التطبيق.
لو فيه دفع داخل التطبيق، وضّح بيتم إزاي وعلى إيه — مهم لمراجعة المتجر.
مش لازم يكونوا جاهزين كلهم من أول لحظة — ابعتلنا اللي عندك، وإحنا نكمّل معاك الباقي.
ابعتلنا فكرة مشروعك، ونرجعلك بالخطوات والتفاصيل والتكلفة — من غير أي التزام.
تواصل معانا على واتساب ←